World Cup zawhah Rodri an zai dawn

Spanish midfielder Rodri chu World Cup zawh rualin a hliam, tarlan loh chu avangin zai a ni dawn a, Manchester City tan season tir lamah a inlan ve thei dawn lo.

Khawthlang chanchinbute chuan Rodri hliam hi zai ngai ni mah se World Cup a khel tluan thei dawn a, inelna zawh hunah emaw Spain an tlak veleh Rodri hi zai a nih tur thu an sawi. La Roja hian naktuk zanah Austria an hmachhawn dawn a, champion tura rin kai zingah an tel.

Kum 30 mi Rodri hi zai a nih chuan kum hnih liam taa ACL hliam vanga zai a tawh hnua an zai lehna hmasa ber tur a ni a, an pu thar Enzo Maresca-a'n Rodri a chhawr nghal thei dawn lo hi channa nasa tak a tling.

Rodri hian Etihad Stadium-ah a thla 12 chiah contract a nei tawh a, Man City lamin contract thar chhawp chhuahsak tawh mah se, Real Madrid lamah a insuan mai thei nia sawi a tam hle.