Portugal tana bul ṭantute

Portugal coach Roberto Martínez-a'n starting XI a thlak meuh lo a, Cristiano Ronaldo-a'n bul a ṭan vek bawk. Match hmasa bera DR Congo an hmachhawn ṭumin tlarhnungah Tomás Araújo leh Renato Veiga te an inkawp a, match hnuhnung pahnihah Veiga leh Ruben Dias an inkawp tawh.

João Félix pawhin match hmasa ber bul ṭan lo mah se Uzbekistan leh Colombia nen an inkhelh ṭumin Bernardo Silva aiin bul a ṭan zawk. Match hnuhnung berah Vitinha leh PSG tana a khelhpui Joao Neves te nen inkawp loin Vitinha hi Ruben Neves nen an inkawp zawk. Colombia lakah Portugal an cheh ṭhat tawk loh avangin Uzbekistan nena bul ṭantute bawk an luh a rinawm.