Zirtawpni chawhnu dar 1-ah Charity Match

Mizoram Professional Footballer Association (MPFA) leh Lawngtlai District Association chuan CYLA Playground-ah July 3, Zirtawpni tlai dar 1:00 hian Charity Match an buatsaih dawn. Mizo professional footballer te leh Lawngtlai eleven te an inkhel ang.

MPFA hian nipui chawlh laiin charity match an buatsaih ṭhin a a hlawhtling ṭhin hle. Tun ṭumah pawh hian Edmund Lalrindika, Lallianzuala Chhangte, Isak Vanlalruatfela, Lalengmawia (Apuia) bakah player ṭha rual inlan tura beisei a nih avangin Lawngtlai mipui mit a tlai khawp ang.

Halftime laiin MPFA chawimawina sem a ni dawn. Player of the season, Young Player of the Season leh Fans Player of the Season hnenah chawimawina hlan a ni ang. Lawngtlai lam hian tun hnaiah nasa takin hma an sawn a, MPL club MLS FC nei thei an nih avangin MPFA leh Lawngtlai XI inkhel tur hi a hmuhnawm tham dawn.