Liverpool-ah Jacquet a lut ta

Premier League khelh zawh taka beisei phak lo Liverpool chuan defender Jeremy Jacquet an lakluh thu an puang a, Rennes defender manah hian pound maktaduai 60 an inseng.

February thla khan Jacquet hian Liverpool zawm tur hian thutlukna a lo siam tawh a, mahse, French club lamah season a hmang zo phawt - tunah chuan official takin Reds player a ni ta.

Kum 20 mi defender hian Anfield-ah kum nga chhung khel turin contract a ziak a, kum khat dang pawh sei theih a ni. Liverpool hian a manah £55mtd an pe phawt ang a, a khelh ṭhat dan a zira £5mtd pek belh leh tur a ni ang.

Jeremy Jacquet hian February khan a darah hliam a nei a, hei vang hian rei tak chu inkhel loin a awm. Mahse, tunah chuan French centre back hi a dam ṭha leh tawh a, Reds pre-season pawh a zawm nghal thei dawn a ni.

Jacquet hi European club dang pawhin an dawr nual a, Premier League club zingah Chelsea pawhin an duh. Mahse, khawthlang media-ten an tarlan dan chuan, amah Jacquet ber hian Virgil van Dijk-a kianga inzir a duh a, Liverpool a thlang.

Liverpool captain VVD hian January 2018 khan Southampton aṭangin Reds hi £75mtd in a zawm a, Jacquet hi VVD tih loha Liverpool defender man to a ni - season tharah Jacquet hian VVD bula ding turin Joe Gomez leh Giovanni Leoni te chu elpui tur a nei.