Zverev leh Cobolli te chak

French Open mipa finalist Alexander Zverev leh Flavio Cobolli ten Wimbledon third round an lut. Zverev hi tun inelnaah hian seeded no. 2 a ni a, Nilaini khan Valentin Royer chu 6-1, 6-3, 7-6 (7-3) in an hneh.

Zverev hi kum 29 mi a ni tawh a, theihna nei sang tak ni mah se kumin French Open khan a vawi khat nan Grand Slam Open-ah a champion. Wimbledon-ah Zverev hi a la champion ngai lo a, a thlen san ber pawh fourth round chauh a ni. Kuminah record ṭha zawk neih a tum ang.

Cobolli hi seeded no. 9 a ni a, second round-ah James Duckworth chu 7-6 (7-4), 3-6, 7-6 (7-3), 6-1 in a hneh. Italian tennis star Cobolli hian nikum khan Wimbledon-ah quarterfinal thleng a, a thlen san ber a la ni.

Mipa inelnaah seeded no. 10 chinah khawtual tlangval Ben Shelton chiah a tla a, record nei ṭha Novak Djokovic pawh third round lut tawhin nizan khan seeded no. 25 Arthur Rinderknech nen an inhmachhawn.