Indian tennis star an che ṭha lo

Wimbledon 2026-ah Indian tennis player-te an che ṭha lo a, mens doubels-ah Yuki Bhambri leh Sriram Balaji te telin an tla ve ve tawh.

Bhambri hi Australian mi Michael Venus nen an inkawp a, Dutch mi Jean Julien Rojer leh American mi Theodore Winegar te inkawp chu 6-3, 6-4 in nimin khan an hneh lo. Kum 33 mi Bhambri hian kumin Grand Slam-ah vawi khatmah first round a la patlang lo.

Chutihrualin nikumah erawh Bhambri hi a che ṭha a, US Open doubles-ah semifinal hial a thleng. Sriram Balaji pawh a kawppui Brazilian mi Marcelo Demoliner nen Belgium mi Sander Gille leh Dutch mi Sem Verbeek te inkawp chu 6-3, 6-7 (2), 4-6 in an hneh lo.

Roland Garros-ah khan kum 36 mi Sriram Balaji hian quarterfinal thleng mah se Wimbledon-ah a record ṭha hi a chhunzawm thei lo.