Napoli coach thar Allegri

Napoli chuan Antonio Conte thlak nan Massimiliano Allegri chu head coach atan an lalut a, June 2029 thleng contract an ziahpui. Allegri hi season liam ta khan Milan-in an ban a, 1997-98 season-a player anga a khelh tawhna Napoli a enkawl dawn.

Conte hnuaiah hnuaiah Napoli hian 2024-25 season khan league nomawi an chawi a, season liam taah erawh pahnihna a ni thung. Season hnih a enkawl hnuin Conte hi a bang a, Allegri hian a ai awh dawn.

Allegri hi Italian coach zinga hming langsar ber zinga mi a ni pha a, kum 2011 khan Milan enkawlin Serie A nomawi a chawi. Kum 2014 leh 2019 chhungin Juventus a enkawl a, Serie A nomawi vawi nga zet chawiin Coppa Italia-ah vawi li a champion a, Super Cup-ah vawi hnih champion-in Champions League final ṭum hnih a lut bawk.

Kum 2021 khan Juventus-ah a kir leh a, kum 2024 khan Coppa Italia nomawi a chawipui a, Turin club aṭang hian AC Milan a pan. Mahse, Milan hi Champions League a hruai thlenzawh loh avangin Allegri hi an ban a, Napoli erawhin lungawi takin an lalut thung.

Italian manager Allegri hian Seria A nomawi vawi ruk a chawi tawh a, Coppa Italia-ah vawi nga champion tawhin Italian Super Cup-ah vawi thum a champion tawh a, Serie A coach of the year-ah ṭum hnih thlan a ni tawh bawk.