Ram tana inlan tawh lo tur Mahrez

Algeria captain Riyad Mahrez chuan nimin zinga Switzerland nen an inkhelh zawhah, ram ran inkhelh a chawlhsan thu a puang a, Algeria tan a inlan tawh dawn lo.

Kum 35 mi Mahrez hoin Algeria chuan Switzerland chu 2-0 in an hneh lo a, World Cup an mangṭha a ngai. World Cup mai bakah an thiampuipa Mahrez an mangṭha tel.

Manchester City forward hlui hian ram tana kum 12 a khelh chhungin vawi 120 a inlan hman a, goal 40 a khung bawk. Mahrez chuan, "Hmasawn hi ka thil tum ber a ni a, mahse vawiinah kan tihsual palh avangin goal hnih kan chhuah a, he inelna hi kan mangṭha mai a ngai a, ram tana ka inkhelh hnuhnunna ber a ni tawh bawk ang," a ti.

Mahrez-a hi Algeria tana khel hnem ber pahnihna a ni a, vawi 123 inlan thei Aissa Mandi chiah a tluk lo. Goal thun hnem lamah pahnihna a ni bawk a, Islam Slimani (19) chiah a chungah a awm. 2019 khan African Cup of Nations-ah an ram chu a champion pui tawh bawk

World Cup khelh mekah Mahrez a che chhe lo a, match li khelhah goal thum khungin assist pakhat a nei tawh, Algeria player zingah World Cup vawikhata goal thawk chhuak hnem an la awm ngai lo.