Newcastle-in Manzambi an duh

Newcastle United chuan an midfielder chhuak tur Sandro thlak nan, Freiburg midfielder Johan Manzambi an duh a, inbiakna an kalpui ṭan niin khawthlang chanchinbuten an sawi.

Tun nipui transfer bazar-ah Tottenham Hotspur an che na a, indinthar an tumna kawngah Newcastle midfielder Tonali an la lut tel dawn a, an inhnaih tawh hle.

Magpies hian Tonali thlakna tur an melh ve nghal a, Manzambi chu an duh ber. Kum 20 mi Manzambi hian season hman zawh takah khan Freiburg tan inelna hrang hrangah match 47 a inlan thei a, goal kua khungin assist pasarih a nei thei bawk.

Manzambi hi Switzerland tan World Cup khelin a feh chhuak mek a, an ram tan a tirah rinrawl ni pha lo mah se Bosnia and Herzegovina lakah goal hnih a khung hnuah chuan player pawimawh zinga mi a ni tawh.

An match hnuhnung bera Algeria an hneh ṭum khan a khel ṭha takzet a, Breel Embolo goal khung tur a siamsak bakah 'Man of the Match'-ah thlan a ni nghe nghe.

Newcastle hian Manzambi manah pound maktaduai 55 an theh chhuak phal nia sawi a awm a, a aia tam an phut a nih pawhin Magpies-in sum hman tuir an ngah dawn avangin Freiburg an ṭang rei thei kher lo ang.