Ronaldo hattrick

Spain leh Portugal inkhel hi an inkhel fo tawh a, an inkhelh tawhna hriat hlawh ber ang hiala chhal ngam chu 2018 World Cup group stage-a Cristiano Ronaldo hattrick siam ṭum kha a ni.

Fisht Olympic Stadium, Sochi-ah June 15, 2018 khan Ronaldo-a'n hattrick a siam a, mah se Spain tan Diego Costa-a'n goal hnih a khung bakah Nacho-a'n goal a khung bawk avangin 3-3 in an inhnehtawk.

Football ram lian pahnih hi ṭum 41 an inhmachhawn tawh a, Spain hi vawi 17 zet chak tawhin vawi 18 an inhnehtawk a, Portugal hi vawi ruk chauh an la chak.

Competitive match-ah hian vawi 12 an inhmachhawn tawh a, hetah hian qualifying round chhiar tel a ni. Euro C'ship final round chinah vawi thum an inkhel tawh a, kum 1984 khan 1-1 in an inhnehtawk. Euro 2004-ah inelna thlengtu Portugal-in 1-0 in hnehna an chang. Euro 2012 semifinal-ah an intawng leh a, penalty shootout-ah Spain an chak zawk.

World Cup final round china a nintawn hmasak ber chu kum 2010 khan last 16-ah inkhelin David Silva goal hmangin Spain 1-0 in an chak. Kum 2018 khan group khatah an awm ho a, tarlan tawh angin 3-3 in an inhnehtawk.

Competitive match-a an intawn hnuhnun ber chu 2025 UEFA Nations League final kha a ni a, Munich-ah 2-2 in an inhnehtawk. Penalty shootout-ah Portugal 5-3 in an vannei ta zawk.