Colombia chakpuitu Jhon Arias

Inrinni zing khan Colombia chuan round of 32 match hnuhnung ber khelin, 1-0 in Ghana an hneh a, goal awmchhun hi minute 14-naa Jhon Duran-a khung a ni a, Tricolour (Colombia sawina)-in goal dang khung belh lo mah se round of 16 luh nan a tawk.

A goal hma

Goal khung turin Colombia-in an nghak rei lo a, minute 14-na lekah Luis Suarez-a cross chu Arias-a'n hnai tak aṭangin a khung. Goal a luh theih nan Suarez a chet ṭhat rualin Ghana defender te an fimkhur tawk lo a, Arias an veng ṭha tawk lo.

Colombia an nung

Hmahruaitu zawk an nih hnuh Colombia an inthlahdah lo a, Suarez, Luis Diaz leh Johan Mojica ten first half-a an hun ṭha neih an chhawr ṭangkai thei lo vek.

Second half-ah pawh Tricolour bawkin inkhel an thunun a, mahse goal hmaah an hriam tawk lo. Bayern Munich forward Diaz-a goal khung chu offside vanga pawm a ni lo a, Diaz hian keeper chiah a hmachhawn hnuah goal a khung thei lo bawk a, a vanneih ṭum a ni lo.

Ghana an khel ṭha tawk lo a, chance siam an harsat bakah an khingpuite goal zawnah vawi khat mah an pet lo. Colombia erawhin chance vawi tam an hlah a, Goal-a Tricolour vanduaina chu Ghana tan an mualpho tur hliahtu a ni thung. Hun tawp thlenga goal dang a luh tawh loh avangin harsa lutuk loin Colombia an chak.

Engtin zel?

Group stage-a Portugal tluk loh Colombia hian last 16-ah Switzerland an hmachhawn leh dawn a, team intumtawk tak tura ngaih an ni. An chak leh a nih chuan quarterfinal-ah champion lai Argentina emaw Mohamed Salah telna, Egypt nen an intum thei dawn.

Colombia hi beisei aia ṭhain an khel a, World Cup-a an thlen san ber quarterfinal aia sang thlen ngam an tum dawn a, kawng dik an zawh mek bawk.

Round of 32 khelh zawh a ni ta a, last 16 hi July 8, Nilaini zingah khelh zawh a ni ang. Ram 16 la dam zingah Europe an tam ber a, chung ramte chu Belgium, England, France, Norway, Portugal, Spain, leh Switzerland te an ni.

South America aṭangin ram pali Argentina, Brazil, Colombia leh Paraguay an la dam a, North America-in a thlengtu pathum Canada, Mexico leh USA te an la thawh thei a, Africa aṭangin Egypt leh Morocco te chiah an dam tawh bawk. Asia ram aṭangin last 16 lut an awm lo.