A thiam 16 zingah Zverev

Garros champion Alexander Zverev chuan Wimbledon third round-ah Marcos Giron chu 6-2, 7-6(7-4), 6-4 in an hneh. German tennis star hian vawiin hian last 16-ah Jiri Lehecka a hmachhawn ang.

Kum 29 mi Zverev hian Grand Slam-ah vawi 25 zet round of 16 a lut ta a, match hnuhnung 14-ah vawi 13 a chak bawk. Wimbledon-ah hian Zverev-a'n quarterfinal a la thleng ngai lo a, tun hi mellung thar phunna hun ṭha a ni thei ang.

Vawiin inkhel tur zingah seeded no. 5 Alex de Minaur leh seeded no. 9 Flavio Cobolli te bakah seeded no. 6 Taylor Fritz leh seeded no. 10 Alexander Bublik te pawh an tel.

Mipa seeded 20 chinah Ben Shelton (no. 4), Daniil Medvedev (8), Casper Ruud (11), Andrey Rublev (12), Luciano Darderi (14), Jakub Menšík (15), Learner Tien (16), Frances Tiafoe (17), Francisco Cerúndolo (18), Karen Khachanov (19) leh Arthur Fils (20) te an tla tawh a ni.