Al Nassr enkawl tur Postecoglou

Tottenham Hotspur tana Europa League nomawi chawitu Ange Postecoglou chu season tharah Cristiano Ronaldo nen an thawk dun dawn - Saudi Pro League champion Al Nassr a zawm a, Ronaldo khelhna club enkawl tur hian kum hnih atan contract a ziak.

Kum 60 mi coach hian Europa League-ah 2024-25 season khan Spurs champion pui mah se, league lama an dinhmun avangin ban a ni a, hna nei loin a awm - EPL-a match 22 a tlawmpui chu, EPL-a match 38 khelh a nih hnua heti zat tlawm chunga relegate lo hmasa ber an ni!

Australian coach hian a hnuah team talbuai Nottingham Forest chhanchhuah tumin a zawm a, mahse, ni 39 chiah a awm hman tihin an ban - match riat chiah a kaihruai hman a, chak an nei lo!

Al Nassr-ah hian SPL nomawi chawipuitu Jorge Jesus a thlak dawn avangin a hmabak a ko dawn a, hetihrual hian Ronaldo bakah

Joao Felix, Sadio Mane leh Kingsley Coman te ho an squad-ah an awm avangin chona hmachhawn pawh a phur deuh ang.

Postecoglou hi Asian football-ah a mikhual lo - Australian club a enkawl tawh nual bakah Japanese club lar Yokohama F. Marinos lo enkawl tawhin, league nomawi hial a lo chawipui tawh a, Australia national team enkawl tawhin, Asian Cup-ah a champion pui bawk.