Mahrez-a'n Al-Ahli chhuahsan

Saudi Pro League club Al-Ahli chuan Inrinni khan an forward Riyad Mahrez chuan a contract a hmang zo a, club a chhuahsan tih an tarlang a, Manchester City forward hlui hian club a nei lo.

Kum 35 mi Mahrez hian July 2023 khan Manchester City chhuahsanin Al-Ahli hi a zawm a, season thum a cham chhungin match 122 a inlan hman a, goal 37 leh assist 46 nei bawkin AFC Champions League title chu a zawnin vawi hnih a chawipui.

Al-Ahli chuan, "Riyad Mahrez, kan lawm e. Kum thum chhung kan bula i awm kha Al-Ahli ṭantute chuan an theihnghilh tawh ngai lo ang," tiin Algerian forward hi an thlah liam.

Man City forward hlui hian Al-Ahli a chhuahsan hma hian ram tan inkhelh a lo chawlhsan tawh bawk a, club tan insawrbing a duh tawh zawk. Mahrez hi a kum tam ve deuh tawh mah se Europe-a club langsar tam takin an iai lo a, nipui transfer bazar tingaihnawmtu tur a ni.