Club a pawimawh ber, banna ka thehlut dawn - Aizawl FC coach
Aizawl FC-in I League team nem ber zinga mi Indian Arrows an hneh loh zawhah coach Gift Raikhan chuan banna a thehluh tur thu thuthar lakhawmtute a hrilh a, vawiin lam hian a thehlut tura ngaih a ni.
Season liam ta I League best coach Gift Raikhan chuan, "Aizawl FC hi relegate fight tura zawm ka ni lo a, champion tumin Mizo club hi ka rawn zawm a ni. Amaherawhchu tunah chuan ka kalpui duh dan hi Aizawl FC nen a inrem lo tih kan result aṭangin ka pawm a, ka chhuahsan mai hi club tana ṭha berah ka ngai. Ka hna emaw ka hming ṭhatna aiin Aizawl FC hi ka ngaihtuah zawk a, club ṭhatna tur ka duh avangin insiamṭhatna hun la awm lai hian banna ka thehlut ang," tiin Vanglaini a hrilh.
Aizawl FC hian kum hnih chhung Mizoram Premier League nomawi an chawi loh hnuah kumin khan Gift Raikhan hoin a lungthu kim nan MPL-ah champion lai Chhinga Veng hnehin an champion a, tualchhung football-a inelna sang berah nomawi chawi mah se I League-ah erawh an khel ṭha tawk lo.
Gift chuan, "MPL-ah chuan kan hlawhtling a ni thei a, I League-ah erawh kan hlawh-chham a ni. Aizawl FC hi relegate fight tur an ni lo," tiin a sawi. Aizawl FC hian I League match 11 khelhah vawi hnih chiah an chak a, vawi thum inhnehtawkin vawi ruk an chak lo. Mizo club hian Gokulam Kerala leh East Bengal te chiah tun season-ah an la hneh a ni.
Aizawl FC coach Gift chuan sawi chhunzawmin, "Bel chhuang tur chuan lung pathum a ngai a, pahnih chauh emaw pakhat chauh chuan chhuan a rem lo. Chutiang chiah chuan football-ah pawh coaching staff, player-te leh management a ni a, eng emaw ber hi a fuh loh chuan result-ah nasa takin nghawng a nei ṭhin. I League-a kan hlawhchham chhan hi eng emaw ber hi a ni thei a, rah ṭha a chhuah beiseiin head coach ka nihna aṭanga inthiar fihlim hi a ṭhain ka hria," tiin banna thehluh a tum chhan a sawifiah.
Vanglaini chuan nimin lam khan press conference-a Gift Raikhan-a thusawi chungchangah Aizawl FC thuneitu be nghalin, anni lam hian banna lehkha a la thehluh loh thu an sawi a. Hemi hnu hian Gift Raikhan be lehin Manipur coach chuan, "Indian Arrows kan hmachhawn zawha working day hmasa ber Thawh-
ṭanniah ka thehlut ang. Min pawm sak lo a nih pawhin club ṭhat nan theihtawp ka chhuah chhunzawm ang. Tuna ka thutlukna hi club ṭhatna tur a ni a, player pawhin hre ve rawh se, club tan an theih nan tak taka an khelh chhuah a ṭul a ni," tiin a sawi.
Aizawl FC hian January 11, Zirtawpni tlai dar 2:00 hian khualmuala an hneh tawh loh Real Kashmir an mikhual dawn a, hemi hunah hian Mizo club coaching staff insiksawi dan tur chu a chiang ang.
Indian Arrows-in Aizawl FC an hneh
Aizawl FC-in I League team nem ber zinga mi Indian Arrows an hneh loh zawhah coach Gift Raikhan chuan banna a thehluh tur thu thuthar lakhawmtute a hrilh a, vawiin lam hian a thehlut tura ngaih a ni.
Season liam ta I League best coach Gift Raikhan chuan, "Aizawl FC hi relegate fight tura zawm ka ni lo a, champion tumin Mizo club hi ka rawn zawm a ni. Amaherawhchu tunah chuan ka kalpui duh dan hi Aizawl FC nen a inrem lo tih kan result aṭangin ka pawm a, ka chhuahsan mai hi club tana ṭha berah ka ngai. Ka hna emaw ka hming ṭhatna aiin Aizawl FC hi ka ngaihtuah zawk a, club ṭhatna tur ka duh avangin insiamṭhatna hun la awm lai hian banna ka thehlut ang," tiin Vanglaini a hrilh.
Aizawl FC hian kum hnih chhung Mizoram Premier League nomawi an chawi loh hnuah kumin khan Gift Raikhan hoin a lungthu kim nan MPL-ah champion lai Chhinga Veng hnehin an champion a, tualchhung football-a inelna sang berah nomawi chawi mah se I League-ah erawh an khel ṭha tawk lo.
Gift chuan, "MPL-ah chuan kan hlawhtling a ni thei a, I League-ah erawh kan hlawh-chham a ni. Aizawl FC hi relegate fight tur an ni lo," tiin a sawi. Aizawl FC hian I League match 11 khelhah vawi hnih chiah an chak a, vawi thum inhnehtawkin vawi ruk an chak lo. Mizo club hian Gokulam Kerala leh East Bengal te chiah tun season-ah an la hneh a ni.
Aizawl FC coach Gift chuan sawi chhunzawmin, "Bel chhuang tur chuan lung pathum a ngai a, pahnih chauh emaw pakhat chauh chuan chhuan a rem lo. Chutiang chiah chuan football-ah pawh coaching staff, player-te leh management a ni a, eng emaw ber hi a fuh loh chuan result-ah nasa takin nghawng a nei ṭhin. I League-a kan hlawhchham chhan hi eng emaw ber hi a ni thei a, rah ṭha a chhuah beiseiin head coach ka nihna aṭanga inthiar fihlim hi a ṭhain ka hria," tiin banna thehluh a tum chhan a sawifiah.
Vanglaini chuan nimin lam khan press conference-a Gift Raikhan-a thusawi chungchangah Aizawl FC thuneitu be nghalin, anni lam hian banna lehkha a la thehluh loh thu an sawi a. Hemi hnu hian Gift Raikhan be lehin Manipur coach chuan, "Indian Arrows kan hmachhawn zawha working day hmasa ber Thawhṭanniah ka thehlut ang. Min pawm sak lo a nih pawhin club ṭhat nan theihtawp ka chhuah chhunzawm ang. Tuna ka thutlukna hi club ṭhatna tur a ni a, player pawhin hre ve rawh se, club tan an theih nan tak taka an khelh chhuah a ṭul a ni," tiin a sawi.
Aizawl FC hian January 11, Zirtawpni tlai dar 2:00 hian khualmuala an hneh tawh loh Real Kashmir an mikhual dawn a, hemi hunah hian Mizo club coaching staff insiksawi dan tur chu a chiang ang.