Glasner-a'n Forest a zawm

Season tawp ruala Crystal Palace chhuahsantu Oliver Glasner chuan, Premier League club tho Nottoingham Forest enkawl turin thutlukna a siam a, season thar aṭangin Forest a enkawl dawn.

Glasner hian Palace tan record duhawm bik a hnutchhiah a; FA Cup leh Conference League nomawi a chawipui. Mahse club hotute nen an inhmuh thiam loh avangin season liam ta laklawh lai khan a chhuah tur thu a tichiang tawh.

Season a tawp hnuah Glasner duhtu an tam a, mahse amah berin Premier League-a châm a thlang. Forest-ah hian kumin February-a Wolverhampton aṭanga an lak luh, Portuguese coach Vitor Pereira a thlak dawn.

Forest hian tun hnaiah coach an thlak ngun a, season hman zawh takah khan season tir aṭangin an buai nghal. Tottenham coach hlui pahnih Nuno Espírito Santo leh Ange Postecoglou te chu result ṭha an neih theih loh avangin an ban ve ve.

English football-a tawnhriat ngah Sean Dyche ruai leh mah se rei lote hnuah ann ban leh nghal a, Pereira hi an la lutin a thla 18 cham turin an inrem. Pereira hian Forest hi Premier league-ah a inhamtanpui bakah Europa League-ah semifinal a thlenpui.

Pereira hnuaiah season khar chhe lo mah se Austrian coach Glasner an duh zawk a, Pereira an lak aṭanga thla nga lekah an chhuahtir leh nghal. Eagles coach hlui hi thla 12 chhunga Forest coach pangana chiah a ni.