Chelsea-in Chavarria dawr nawn dawn

Xabi Alonso enkawl Chelsea chuan an dilna hmasa an hnawl hnuah, Rayo Vallecano left back Pep Chavarria chu an dawr nawn leh dawn a, Spanish defender hi lak luh an tum hle.

Marc Cucurella-a'n Real Madrid a pan hnuah Chelsea hian left back thar an melh nghal a, Chavarria hian Alonso mit a la ber. Blues hian Vallecano hnenah euro maktaduai 15-in Chavarria hi dawr tawh mah se, an dilna hi hnawlsak an ni.

Chavarria hian release clause euro maktaduai 50 a nei a, a contract neih lai hi kum 2030 thleng a nih avangin a man an phut zat anga an dawr loh chuan an hmanhmawh dawn bik lo.

London club chuan Chavarria hi kiansan mai an tum lo a, coach thar Xabi Alonso-a'n kum 28 mi left back hi a duhzawng tak a nih avangin hloh an tum lo. Amah Chavarria ber pawhin a puanthuah tela Chelsea zawm a chak hle niin Spanish chanchinbuten an sawi.