Mizo nula ten bronze la

3rd Elite (senior) Women's Boxing Championship-ah Kros Hmangaihsangi chuan 60 kg category-ah semifinal thleng mah se final a thleng zo lo. Bellary, Karnataka-a inelna neihah Mizo nula hian ṭha takin khel mah se Police senior boxer leh international medal pawh la nual tawh Preeti Beniwal (All India Police) lakah a vanduai a, bronze medal a la.

All India Police hminga khel Vanlalduati chuan 51 kg category-ah Telangana aiawh Zareen chu semifinal-a hneh loin bronze a la bawk. Mizo boxer pahnih Kros-i leh  Duati te hian January 20 aṭangin India camp an lut ang a, February thla hian India aiawhin inelna an hmachhawn ang.