Konta a inhnukdawk

Australian Open khelh hmain chawlhkar khat bak a awm tawh lo a, inbuatsaihna langsar tak pakhat Sydney International aṭangin Johanna Konta chu nghawng na vangin a inhnukdawk.

Kum 27 mi Konta hi second round-ah Russian nula Ekaterina Alexandrova nen an inkhel a, set hmasa berah 4-1 a a hniam zawk laiin hliam vangin a khel chhunzawm thei ta lo. Britain number 1 a vanduai lai hian Heather Watson erawh Hobart International lamah a la dam thung.

Hliam chungchang sawiin Konta chuan, "He hmunah hian hlim takin ka rawn kal a, mahse ka beisei loh danin thil a thleng ta zawk. Warm-up neih laiin ka inhliam a, minute 18 chhung bak ka khel thei ta lo a ni," tiin a sawi.