Portugal coach Martinez a bang

Portugal-in Spain an hneh loh zawhah coach Roberto Martinez chuan a ban thu a puang a, kumin World Cup-a an chet ṭhat loh avangin Belgium manager hlui thutlukna hian Portugal ṭantute a tilawm ang.

Martinez chuan, "Cristiano Ronaldo-a'n World Cup champion tuma theihtawp a chhuah avangin a chungah lawmthu sawi kan ba. World Cup nomawi chawi hi a duhthusam a ni a, a duhthusam puitlin turin theithawp a chhuah. Amah hian entawn tur ropui tak a hnutchhiah a ni," tiin Ronaldo a fak.

A hmalam chungchang sawiin Martinez chuan, "Ni e, hei hi Portugal team ka enkawl hnuhnun ber a ni. Match 45 a enkawl a, ka chhuang hle. Portugal-in min lawm a, kan hun tawn hi ka hre reng tawh ang," tiin Portugal a enkawl tawh loh tur thu a sawi.

Spanish manager chuan sawi chhunzawmin, "Kan hlawmchham lo. Champion rinkai zinga mi lakah kan chak lo a, chutihrualin chak tumin kan theihna sang tak kan lantir. Team ṭha lakah chuan chak loh theih a ni a, chak tuma kan khelh miau avangin kan hlawhchham lo. Champion tur chuan vanneih te a ngai," tiin a insawifiah.

Portugal chanchinbu lian A Bola chuan Roberto Martinez thlakna turin Jorge Jesus an lalut dawn niin an tarlang. Kum 71 mi Jorge Jesus hian Al Nassr a enkawl tawh a, Euro 2028 bakah World Cup 2030 thleng enkawl dawn niin an tarlang.