England tan Reece James kir dawn

World Cup quarterfinal khel tur England manager Thomas Tuchel chuan, Reece James chuan Norway nen an inkhelh hunah khelmual a luh theih tawh tur thu a sawi a, Three Lions ṭantute tan chuan thu lawmawm a tling ang.

Thomas Tuchel-a'n World Cup atan right back a ko tam lo a, first choice Reece James a inhliam hnuah hman tur a nei lo chu a ni deuh der! Bayer Leverkusen centre back Jarell Quansah chu right back-ah a chhawr.

Mahse, Quansah hi Mexico nena round of 16 an khelhah red card a hmu a, Norway a hmachhawn thei dawn lo. England hian tun World Cup-ah James, Djed Spence, Konsa, John Stones, Quansah leh midfielder Declan Rice te chu right back-ah an chhawr vek tawh!

Mahse, tunah chuan Reece James-a'n full training a zawm tawh dawn a, Norway a hmachhawn thei dawn - England fans tan chuan lawmna a tling a, Erling Haaland telna Norway hmachhawn tur an nih avangin tlarhnungah fimkhur a ṭul dawn.