Summerville duhtu zingah Liverpool an tel

West ham United forward Crysencio Summerville duhtu an pung zel a, Fulham, Chelsea leh Manchester United te nen sawi zawm a nih hnuah, Liverpool hming a lang ve leh a, Dutch forward hi a 'luck' hle.

Season hman zawh takah khan West Ham an che chhe takzet a, kum 14 hnuah Championship Division lamah an relegate. Hammers player te Premier League-ah inhamtang zo lo mah se anmahni duhtu an tam a, Summerville hi duhtu ngah ber zinga mi a ni.

World Cup khelh mekah Netherlands tla tawh mah se, mimal takin Summerville a khel ṭha a, match li khelin goal hnih leh assist pahnih a nei thei. EPL-ah tawnhriat a lo neih tawh bawk avangin West Ham hian tlawm taka chhuahtir an phal dawn lo a, pound maktaduai 50 aia hniam chuan an chhuahtir a rinawm loh.

Iraola hoa indinthar tum Liverpool hi Bradley Barcola leh Pedro Neto te nen sawi zawm an ni bawk a, kar hmasa khan Osasuna forward Victor Munoz an lo la lut tawh bawk. Munoz manah hian Reds hian pound maktaduai 34 lai an sen tawh avangin Summerville hi an ngam huai kher lo mai thei.