Onana tan World Cup a tawp

Belgium midfielder Amadou Onana chu USA nen round of 16 an inkhelh ṭumin a inhliam a, a hliam hi ACL a nih avangin a tlem berah thla sarih tal a chawlh a ngai dawn a, a tan World Cup a tawp nghal.

Kum 24 mi Onana hi Christian Pulisic nen ball an inchuhna lamah a ke a nghat sual a, minute 21-naah lakchhuah niin a hnu lawkah tiang nen a inhawl chhuak. Hans Vanaken chuan Onana hi rawn thlakin goal a khung nghe nghe.

Onana inhliam hi Belgium bakah Aston Villa tan channa nasa tak a ni a, Unai Emery hnuaiah Onana, Boubacar Kamara leh Youri Tielemans te chu midfield-ah an inkawp fuh lai tak a ni a, mah se season bul a ṭan thei dawn lo.

Red Devils hian July 10, Inrinni hian quarterfinal-ah Spain nen an inhmachhawn leh dawn a, Onana tan a ṭhiante lo en bak chu tih theih a nei rih lo. Mahse amah thlaktu Vanaken a khelh ṭhat avangin coach Rudi Garcia tan lungngaihna tur a awm lo.