Real Kashmir-in Bagan an ngam

Kolkata club lian Mohun Bagan tan I League champion beiseina a hniam zel - nimin khan an mikhual Real Kashmir lakah 1-2 in an tlawm a, tun season-a match 11 an khelhah vawi li an tlawmna a ni ta. 

Kashmir tan Mason Robertson chuan minute 33-na lekah goal hmahruai a khung a, Bagan-in Sony Norde hmangin minute 42-naah an sut zui a, an phur thar. 

Mahse, Kashmir club bawkin goal an khung leh a, Real Kashmir manager David Robertson-a fapa Mason bawk hian goal khung lehin 2-1 in an chak a, Mizo tlangval Lalchhawnkima hoa inlan Bagan an tlawm.

Inrinni zan inkhelah Churchill Brothers chuan 2-0 in Minerva Punjab an hneh bawk a, Anthony Wolfe chuan goal hnih khungin Punjab club lamin a chhanletna tur an nei lo.