Mizoram an chak lo

69th Senior National Champ-ionship chu Bhavnagar, Gujarat-ah kheh mek a ni a, Mizoram chuan match hmasa pahnihah Delhi leh Telangana an hneh lo. Vawiin chawhma dar 9:30 hian Goa an hmachhawn ang a, tlai dar 3:30-ah Meghalaya an hmachhawn chhunzawm ang.

Mizoram hian Delhi an hmachhawn ṭum hian inkhelh ṭantirh lamah an chesual a, hun tawp lamah insiamṭha mah se 63-45 in an chak zo lo. Nimin khan Mizoram hian Telangana an hmachhawn leh a, 57-75 in an tlawm. 

India ram state basketball inelna sang berah hian team telte hi level hnihah ṭhen hran an ni a, Mizoram hi Level 2-ah awmin group C-ah Telangana, Delhi, Goa leh Meghalaya te nen an awm ho. Mizoram hian match hmasa pahnihah team ṭha pahnih an hmachhawn a, vawiin lamah result ṭha zawk a beisei theih ang.