Raptors chak ve ta

NBA regular season kal laiah a vawi thum nan Toronto Raptors leh Milwaukee Bucks an intawng a, match hmasa pahniha chak lo zawk Rap-tors chuan an vawi khat chakna ni turin 123-116 in hnehna an chang ve ta.

Raptors tan hian Kawhi Leonard leh Pascal Siakam te chuan point 30 ve ve score-in, anni pahnih bakah hian point 25 neitu Serge Ibaka chuan a thawhhlawk hle bawk. 

Giannis Anteto-kounmpo-a'n a theihtawpin Milwaukee chhanhim a tum a, minute 40 chhungin point 43 a neih bakah rebounds ṭum 18 ngawt la thei mah se a ṭhiante 

aṭanga puihna a dawn ṭhat tawk loh avangin hnehna chan nan a tawk zo lo. 

Bucks hi a vawi 11 nan chak lo mah se tun season chhungin ṭum 27 an chak tawh a, record nei ṭha ber lai an nih avangin Eastern Conference hmahruaitu an ni. An hneh loh Toronto hian ṭum 29 chak tawh mah se ṭum 12 an chak lo thung a, pahnihna dinhmun an luah thung.

Nimin zing NBA inkhel dangah Stephen Curry chuan Golden State Warriors tan point 46 ngawt a score a, American star hian vawi 10 ngawt 3-points a vawm lut, a team hi Sacramento Kings lakah 127-123 in hnehna a chanpui.

Houston Rockets tan a zawna match nga chhung point 40 score thei James Harden-a'n ni dang a phak lo deuh a, Most Valuable Player nilai hian point 38 neiin Portland Trail Blazer lakah 110-101 in an chak lo.