Qatar Open cham-pion Bautista Agut

Roberto Bautista Agut tan tennis season ṭanna duhawm a thleng. Spain tlangval hian Inrinni zan khan Tomas Berdych chu 6-4, 3-6, 6-3 a hnehin Qatar Open nomawi a chawi.

World number 22 Bautista Agut hian hnehna chang turin darkar khat leh minute 55 a mamawh a, tun ṭuma nomawi a chawi hi ATP Tour title pakua a lakna chiah a ni - seeded pasarihna Bautista Agut hian final kalkawngah world number 1 Novak Djokovic a hneh tawh bawk.

Kum 30 mi Bautista Agut-a'n tun hma lamin Berdych hi an intawn hnuhnung pathumah a ngam lo vek a, mahse tun hnaiah Berdych hi a thlahniam; world number 4 ni ṭhin hi 71 ni tawhin tun hma lama a hneh ṭhin lakah a tlawm phah.