Morocco boss Ouahbi a fimkhur

Morocco-in game mawi tak an khelh theihna tura pawimawh ber coach Mohamed Ouahbi a fimkhur a, France an khelh huna an ruahmanna puanzar a tum lo. Training ṭantir lam hi media lamin an en thei a, hemi hunah pawh hian reserve player chauh a inlantir.

French media lamin France tana khelh thlang lotu Ayyoub Bouaddi chungah 'pressure' an pe nasa a, mah se Ouahbi hian boruak a tidai thiam hle. Les Bleus hmachhawn huna bul ṭantu tur, an khelh dan tur leh player dinhmun thlengin Ouahbi hian a puangzar lo.

Kum 49 mi Mohamed Ouahbi hian sulhnu ropui a nei lo a, Anderlecht leh Morocco youth team a enkawl. Chutihrualin nikum FIFA U20 World Cup-a Morocco champion puitu a ni a, kumin March thlatir aṭangin senior team hi a enkawl ṭan chauh.

Mahse, Ouahbi hian a thil tih a hrechiang a, Moroccan player-te pianpui thiamna a ring tawk a, khelh dan nghet an nei bawk. World Cup-a game mawi an khelh dan Ouahbi hi a pawimawh a, France laka hnehna an chang a nih chuan a ropuina hi belhchhahin a awm ang.