Fimkhur a ṭul dawn

FIFA World Cup-ah hian group stage zawhah yellow card vawi khat chauh hmute card hmuh kha nuai reh a ni a, second round aṭanga quarterfinal thlenga yellow card vawi hnih hmute erawhin semifinal an khel thei dawn lo. United States bikah erawh Donald Trump vangin Folarin Balogun-a'n hremna a pumpelh a, FIFA an mualpho - a thleng nawn tawh lo ang.

Morocco lamah midfielder Bilal El Khannouss leh Azzedine Ounahi bakah defender pathum Redouane Halhal, Achraf Hakimi leh Issa Diop ten yellow card an hmu vek tawh. France laka an hmu leh a, an chak a nih bawk chuan semifinal an khel thei dawn lo. A bik takin Bradley Barcola emaw Desire Doue emaw vengtu tur Hakimi tan hna a harsat phah dawn.

France hian Sweden an hneh ṭumin card pakhatmah an chawi lo a, Paraguay an hneh ṭumah erawh player pawimawh Michael Olise bakah Manu Kone leh Barcola ten yellow card an hmu. Semifinal khelh an duh a nih chuan an fimkhur a ṭul dawn.