Zverev-a'n quarterfinal a thleng

Wimbledon-ah seeded no. 2 Alexander Zverev chuan curfew vanga an inkhel an tihtawp lailawk hnuah, Thawhlehni khan Centre Court-ah an khelh chhunzawm lehin round of 16 inkhelah Jiri Lehecka chu 6-4, 7-5, 3-6, 7-6 (6)-in a hneh a, a vawi khat nan Wimbledon quarterfinal a lut.

An inkhel hi Thawhṭanni zan khan curfew vanga tihtawp a nih hma khan, Zverev hian 6-1, 7-5, 3-3 in hma a hruai mek a, an khelh chhunzawm leh hnuah pawh hnehna chang turin harsatna a tawk lo.

Zverev hi chuan, "Hetiang thleng tur hian kum 12 ngawt ka mamawh ang tih ka ngaihtuah ngai lo. Hetiang ka thleng thei hi ka lawm bakah ka zâng huai mai, mahse helai hmunah hian match dang pathum khelha chak ngei ka duh a ni," a ti a, final luh a tum hle.

Kum 29 mi Zverev chuan kuminah Melbourne-ah semifinal lut tawhin, thla hmasa lawk khan French Open-ah a vawi khat nan major title a lo la tawh bawk a, 1991-a Boris Becker hnuah German mipa zinga season khata Grand Slam hmasa pathum hnua quarterfinal emaw a aia sang emaw thleng thei hmasa ber a ni.

Kum 29 mi Zverev hian kumin tournament-a tiebreak vawi ruka a khelhnaah vawi nga hnehna a chang ta a, quarterfinal-ah American player Taylor Fritz a hmachhawn dawn. Tour-level inkhelah Fritz hi 5-10 in Zverev lakah a chungnung zawk a, an inhmachhawn hnuhnung pasarihah hnehna a chang vek a, Zverev tan a awlsam dawn lo.