FIFA World Cup Quarterfinal-ah Europe ram paruk

FIFA World Cup 2026-ah last 16 khelh zawh a ni a, quarterfinal ram pariat zingah Europe-in ram paruk an thawh. Europe aṭangin France, Spain, England, Norway, Belgium leh Switzerland te an la dam a, South America aṭangin Argentina chauh an dam tawh. North America leh Asia ram aṭanga dam an awm tawh lo a, Africa aṭanga dam awmchhun chu Morocco an ni.

FIFA Ranking top 10 aṭangin France (1), Argentina (2), Spain (3), England (4), Morocco (6) leh Belgium (8) te an la dam a; Brazil (5), Portugal (7), Netherlands (9) leh Mexico (10) te tan hmun a awm tawh lo. Quarterfinal lut zinga ranking hniam ber chu Norway an ni a, 19-naah awm mekin ranking 14-naa awm Switzerland an la tel ve bawk.