August 1 aṭangin I Day Veteran Football

I-Day Veteran Football Tournament 2026 chu August 1, 2026 aṭangin khelh ṭan a ni dawn a, veng/khua bakah club a duh tan tel theih a ni ang. Entry Fee hi Rs 2,000 a ni a, MFA Ofice, City Park-ah July 24, 2026 tlai dar 4:00 thleng pek theih a ni a; Entry fee pek rual hian Security Rs 10,000/- pek nghal tur a ni.

Inelna hi Chite Veng Playground-a khelh tur a ni a, a hnuaia tarlan ang hian kum bithliah siam a ni.

• 40+ (40-44 inkar) 1986 leh a hmalama piang chin (XI-ah pali)

• 45+ (45-49 inkar) 1981 leh a hmalama piang chin (XI-ah panga)

• 50+ (50 chunglam) 1976 leh a hmalama piang chin(XI-ah pahnih)

Substitution : Match khatah mi pakua (9) inthlak theih a ni a, ṭum liah inthlak theih a ni ang. Half time-a inthlak erawh ṭum liah hian chhiar tel a ni lo. Kum 40-44 leh 45-49 inkar te hian anmahni kum bithliah chiah an thlak thei a, kum 50 chunglam chuan anmahni kum bithliah bakah a hnuai lam an thlak thei thung.

Player/Official Registration : Tournament khel turin a tam berah player sawmhnih panga (25) ziahluh theih a ni a, team official panga (5) register tur a ni bawk.

Player registration form hi MFA Office, City Park aṭangin pdf file/hard copy lak theih a ni ang a, registration form hi July 24,2026 Thawhṭanni tlai dar 4:00 pm thleng MFA Office, City Park ah thehluh theih a ni.

Registration Form thehluh rual hian Voter ID photo copy thehluh nghal tur a ni a, hun tiam ral hnuah squad thehluh tawh a thlak theih tawh lo. Player registration endik na atan Voter ID hman a ni dawn. Match khelh dawn apiangin player checking neih ṭhin tur a ní.

Match Day Squad : Match neih dawn apiangin player register zawng zawng (25) ziah luh theih a ni ang a, team official (Coach, manager, asst. coach, asst. manager leh physio) ziah luh thin tur a ni. Hriat belh duh nei tan 9957442488-ah zawhfiah theih a ni ang.