Kostyuk-i'n Olympic-a Russian tel a duh lo

Ukrainian nula Marta Kostyuk chuan Wimbledon quarterfinal-a Jasmine Paolini chu 6-3, 6-2 a hnehin semifinal a lut a, inkhelh zawhah Olympic 2028-a Russia tel ve lo tura duh thu a sawi.

Kum 24 mi Kostyuk chuan, "Ka thlir dan chu a thim lam a ni. Olympic-a ram zawng zawng tel hi ka la duh lo a, a dik loin ka hria. Ukraine tan chauh ni loin ram dang tan pawh Russia tel hi pawm a har. Mi dang pawhin hemi chungchang hi an sawi tawh a, kan thlir dan anga thlir hi an ṭhahnem. Chutihrualin kan thlirna hi a pawimawh ber lo. An tel a nih chuan Olympic-a Russian ka hmachhawn zawng zawng hneh vek ka duh," tiin a sawi.

Seeded no. 12 Kostyuk hian nizan khan semifinal-ah Elise Mertens hnehtu seeded no. 9 Linda Nosková a hmachhawn a, result kan hre hman lo. Semifinal pakhat zawkah seeded no. 10 Karolína Muchová leh seeded no. 7 Coco Gauff te an inkhel bawk.

Semifinal thleng pha chin Kostyuk, Noskova, Muchova leh Gauff te hi Wimbledon-ah an la champion lo a, champion thar an awm dawn. Wimbledon hnuhnung pangaa champion-te chu Iga Swiatek (2025), Barbora Krejciková (2024), Marketa Vondrousova (2023), Elena Rybakina (2022) leh Ashleigh Barty (2021) te an ni.