Mexico head coach thar Marquez

Kumin FIFA World Cup thlengtu zinga mi Mexico chu, an head coach Javier Aguirre a ban hnuah a hmun ruak luah turin an player hlui leh assistant coach ni mek Rafael Marquez chu an rawih chhunzawm nghal.

Kum 67 mi Aguirre hian 2002 leh 2010 World Cup-ah khan Mexico hi a lo kaihruai tawh a, kumin inelna ṭan hma khan World Cup zawhah a ban tur thu a tichiang tawh. Mexican legend Marquez-a'n an ram hi a enkawl chhunzawm dawn.

Marquez hian tun hnai mai khan Barcelona B team a lo enkawl tawh a, Barcelona B a enkawl chhung hian match 82-ah vawi 40 hnehna a chanpui a, vawi 21 tlawmin an khingpuite nen vawi 21 an inhnehtawk.

Mexico hian kumin World Cup an hmang ṭha a, group stage-ah hmahruaitu ni chungin knockout stage an lut a, round of 16-a England an hmachhawn hma kha chuan goal an chhuah lo. Three Lions lakah pawh El Tri hi an zam lo a, mahse a vanduai zawkah an ṭang.