Juventus-in Martinez an dawr

Serie A club lian Juventus chuan Emiliano Martinez lak tumin hma an la, an hruaitu thar pahnih - CEO Giovanni Carnevali leh Chief Football Officer Frederic Massara te chuan Emi Martinez-a agent hmuin, Martinez-a agent-in an inbiakna hmun a chhuahsan lai video hmuh tur a awm zui avangin sawi zui a tam hle.

Juventus leh Aston Villa te hi kum 33 mi Martinez man chungchangah an inrem lawk thei lo a, Villa hian a tirah euro maktaduai 15 phut a, mahse a man hi tlahniam tawh a, chiang taka tarlan awm lo mah se euro maktuaduai 6-7 bawr vel niin khawthlang chanchinbuten an sawi.

Turin club hian Martinez hi an lo hel ve tawh ṭhin a, tun thlengin an 'first choice keeper' Michele Di Gregorio thlaktu atan an duh ber a la ni a, club bakah ran tam rinrawl ber a la ni.

Hetihlai hian World Cup hmain inremna an siam fel thei dawn em tih hriat a ni lo a, Martinez hi Argentina tan World Cup khelin a feh chhuak mekin, quarterfinal an thleng tawh a, a vawi hnih nan an ram chu World Cup nomawi chawipui a tum leh mek.