Mbappe lak tumin Liverpool-in sum an seng thlawn!

Liverpool manager hlui Jurgen Klopp chu 2026 FIFA World Cup-ah pundit leh commentator hna thawkin United States-ah a awm mek. France-in Morocco an hneh ṭumin Klopp hian Kylian Mbappe a kawm a, Liverpool-in French forward lak tuma theihtawp an chhuah tawh thu a sawi chhuak.

Magenta TV-a thawk mek Klopp chuan, "Player la lut si lo a, player lakluh tuma Liverpoo-in sum a sen tam ber ṭum a la ni. Mbappe te chhungkua zawng zawng kha room panga awmna private jet-in hruai an ni a; media miten min hmuh loh nan boruakah kan thlawk kual. An chhungkua nen inkawmna hun duhawm tak kan nei a, ei tur ṭha tin reng kan ei hnuah Paris-ah kan ṭum," tiin Liverpool-in Mbappe lak tuma theihtawp an chhuah tawh thu a sawi.

Mahse, Mbappe hian Liverpool zawm loin Monaco aṭangin PSG lamah loan-in a kal a, euro maktaduai 180 (£153mtd) a, a ngheta lakluh theih dan a awm bawk. Paris club hian an lak ngheh hnuin kum 2024 khan free transfer-in Real Madrid a pan a, Los Blancos tan a khel mek a ni.