Edwards-a'n Liverpool a chhuahsan

Liverpool neitu Fenway Sports Group-a CEO of football hna chelhtu Michael Edwards chuan Anfield a chhuahsan dawn a, amah thlaktu tur hi Merseyside club lam hian rawih an tum lem lo nia sawi a ni.

Reds-a Sporting Director hna thawk ṭhin Michael Edwards hi kum 2024 khan Liverpool-ah hian kirin, kum khat cham turin contract a la nei a, mahse, Anfield-a kir tura thutlukna a siam tirha FSG nen an inremna anga thil a kal tak lohah chuan a bang ta.

Edwards hian Liverpool-a a kir dawn khan FSG-te nen Reds chauh ni loin, club dang pawh lei turin ruahmanna an siam a, hetiang a nih avang hian FSG-a role la awm ngai lo CEO of Football hna chu chelhtir a ni hial.

Michael Edwards hian research hrang hrang beiin, Europe-a club hrang hrang 25 zet a zirchiang a, a bik takin Spain, Portugal leh France-a club ṭhenkhatte chu a zirchiang a, mahse, a rawtnaten FSG Board a paltlang theih loh avangin chhuah mai a thlang ta zawk a ni.

FSG hian Edwards-a thlaktu tur hi a hranpaa lakluh an tum lem lo a, FSG president ni lai Mike Gordon chuan football inrelbawlna lam chu a enkawl ang.