Barcelona-in Adeyemi an la lut dawn

Spanish club lian Barcelona chuan Borussia Dortmund aṭangin Karim Adeyemi an la lut dawn a, German club nen hian a man tur chungchangah an inrem tawh - inremna ang chuan euro maktaduai 22 an pe dawn a, a khelh ṭhat dan a zira pek belh tur a awm bawk.

Barcelona hian Adeyemi hi €20mtd-in an dawr phawt a, an dawrna hmasa hi Dortmund-in an lo hnar hnuah, sum tam zawk nen an dawr leh a, tunah chuan an dawrna hi Bundesliga club hian an lo pawm.

Kum 24 mi Adeyemi hian Dortmund tan season hman zawh takah khan match 39 khelin goal 10 a khung a, assist vawi ruk a nei. Season chawhnu lamah beisei a phak loh avangin World Cup-a Germany squad-ah khan a tel phak lo.

Mahse, Barcelona-in German forward an iai phah lo a, Dortmund-ah kum khat chauh contract a nei tawh chungin €20mtd sen an la inhuam tho. Adeyemi hian tun nipuia Dortmund chhuahsan hi a rilruk hrim hrim a, Premier League-a khelh a châk niin an sawi.

Aston Villa nen pawh sawi zawm a ni hman a, mahse, Barcelona lam a pan dawn ta. Adeyemi hian a agent hnenah, "Barcelona-a kal ngei ka duh," tiin a hrilh niin an sawi a, a duh ang ngeiin a thleng dawn ta.