Djokovic-a'n Federer record nih rual dawn lo

Zirtawpni zan Wimbledon semifinal-ah Novak Djokovic-a'n Jannik Sinner a hmachhawn a, Serbian tennis star hian seeded no. 1 hi 4-6, 4-6, 4-6 in a nhneh lo. Semifinal hmasa zawkah Alexander Zverev chuan wild card hmanga tling Arthur Fery chu 7-6 (7-0), 6-2, 6-4 in a hneh. Nizan khan final khelh a ni a, result kan hre hman lo.

Grand Slam inelna ngaihhlut Wimbledon-ah hian Roger Federer-a'n vawi riat nomawi chawiin a champion ngun ber a, Novak Djokovic-a'n Swiss star record nih rual turin nomawi pakhat a la mamawh. Mahse, kum 39 mi Djokovic tan Sinner a ṭha hret a, a tum ram thleng zo lo.

Djokovic hian champion tam lamah Federer hi pha lo mah se Wimbledon final ṭum thum an inhmachhawnah hnehna a chang vek. Chutihrualin Federer hian 2012 semifinal-ah Djokovic hi a hneh ve thung.