Taekwondo-ah Mizoram che ṭha

5th India Taekwondo Poomsae National Championship 2026-27 neih zawh takah Mizoram team an che ṭha a, gold medal pali ngawt hlawh chuakin, silver medal pali leh bronze medal pahnih an la tel bawk.

July 8-11 inkarah khan inelna hi Pune khawpuiah neih a ni a, he inelnaa che ṭhate hian World Taekwondo Poomsae Championship-a India aiawh turin selection trial an hmachhawn thei dawn.

World Championship hi Chuncheon, South Korea-ah, September 16-20 inkar hian neih tur a ni dawn a, Mizo player engemaw zatin trial an hmachhawn thei dawn tihna a ni.

National Cham-pionship-ah hian Mizoram aiawhin player 18 an kal a, manager hi Armed Veng South tlangval Lalinpuia niin, coach hi Albert Lalrinfela, Bawngkawn Brigade a ni bawk.