Senegal-in an coach an ban

Senegal chuan an coach Pape Thiaw chu an ban thu an puang a, December 2024 aṭangin an Thiaw hian Senegal a enkawl ṭan a, kum khat leh a chanve a enkawl hman.

Group stage-ah Senegal hian France leh Norway an hneh lo nghal a, mahse match hnuhnung berah Iraq an hneh avangin knockout stage an lut thei hram. Mahse last 32-ah 2-0 a hma an hruai tawh hnuin Belgium lakah an tlawm.

Belgium laka an tlawm hnu hian player ṭhenkhat an lungawi lo a, an zingah Pape Gueye chu langsar berin, Thiaw hian Senegal a enkawl chhung chu an ram tan inlan a tum tawh loh thu a lo sawi tawh.

Hetiang boruak karah hian Senegal hruaitute chuan kum 45 mi Thiaw hi chhawr zui zel an tum bik lo a, 2002 World Cup-a Senegal tana lo feh chhuak tawh Thiaw hi an ban.

Senegal Football Federation (FSF) chuan, "Kan ram team-te thlen chin leh hmalam hun thil thlir lawkna uluk taka kan neih hnuah, Senegal football hmasawnna tura ṭha ber turah ngaiin Thiaw hi nen kan inṭhen ta a ni," an ti.

Thiaw hian kumin kum tir khan AFCON-ah Morocco hnehin Senegal hi a champion pui a, mahse an champion-na hi hlihsak leh niin Morocco chu champion -ah puan leh an ni hnuhnawh. Senegal hian Court of Arbitration for Sport-ah an lungawi lohna an thlen leh tawh a, an nomawi hi chan leh an la beisei reng.