Roma-ah Dybala a châm dawn

Argentine forward Paulo Dybala chuan a AS Roma-a châm chhunzawm turin thutlukna a siam fel tawh a, Roma tan kum khat dang a khelh chhunzawm leh dawn.

Kum 32 mi Dybala hi season liam ta kha hliamin a tlakbuak a, Serie A-ah vawi 22 chiah inlanin goal hnih leh assist pasarih chauh a nei. Season tawp dawn hnaiah a Champions League khel turin an tling hlauh thung.

Mahse Dybala hi Club tana a chet ṭhat tawk loh avangin World Cup khel turin Lionel Scaloni-a'n a lo tel lo a, a kum tam ve tawh avangin a international career a tawp tawhah a ngaih theih.

A contract a zawh tawh dawn bawl avangin Dybala hma hun a chiang lo a, Europe club langsar bakah Saudi Pro League lamin sum tam tak nen an thlem avangin a chhuah mai a rinawm hman.

Juventus forward hlui hian Stadio Olimpico-a châm zui zel a thlang ta thung a, thu chiang la awm lo mah se Roma tana khel zel tur hian a hlawh tihniam a remti nia sawi a awm. Dybala hian kum khat season khat daih contract a ziak a, kum khat dang pawhsei theihna dan a awm dawn bawk.