Uruguay coach thar Forlan

Kumin FIFA World Cup-a beisei pha lo Uruguay chuan an head coach thar atan Diego Forlan an ruai a, mahse a nghet ni loin enkawl lailawktu tur a ni dawn.

Uruguay hian World Cup khelh mekah group stage an paltlang zo lo a, vawi hnih inhnehtawkin vawi khat an tlawm a, chak an nei lo. World Cup aṭanga an tlak rualin anmahni enkawltu Marcelo Bielsa-a'n a chhuahsan nghal bawk.

La Celeste hian an ram legend Forlan an ruai a, kum 47 mi hian Uruguay-in coach thar an neih hma chu kumina an khelh hmabakah an ram hi a enkawl dawn.

Forlan hian player a nih laiin Uruguay tan match 112 aṭangin goal 36 a khung thei a, 2011-ah Copa America-ah champion puiin 2010 World Cup-ah semifinal a thlenpui bawk a, Golden Ball a dawng nghe nghe.