Argentina-ah English club-a khel paruk an awm

Kumin World Cup-a Argentina squad-ah hian Premier League club-a khel paruk an awm a, club hrang vekah khelin Lionel Scaloni hnuaiah player pawimawh an ni hlawm. Player paruk zinga pathum Emiliano Martinez (Aston Villa), Cristian Romero (Tottenham) leh Lisandro Martinez (Manchester United) te chu tlarhnung innghahna an ni.

Midfield-ah Alexis Mac Allister (Liverpool) leh Enzo Fernandez (Chelsea) ten hmun pawimawh an chang a, Bournemouth centre back Marcos Senesi erawhin khelhna hmun a chang tam tawk lo. Argentina team-ah hian La Liga-a khel player pasarih an awm a, an ram club ṭha River Plate leh Boca Juniors ten player pakhat ve ve an thawh bawk.

Ligue 1-ah player pali an awm a, Serie A-ah player pahnih awmin Portuguese Primeira Liga, Bundesliga leh Brazilian Série A-a khel player pakhat ṭheuh an thawh bawk. Inelna thlengtu United States rama football inelna sang ber MLS-in player pahnih an thawh a, a thawh erawh mi bik Lionel Messi leh captain thlawptu ṭha Rodrigo de Paul te an ni.

Player 26 zinga 21 hi European club tan an khel a, player dang panga hi South America (3) leh North America (2) khawmualpuia khel an ni thung.