Belgian GP atan Hamilton a phur

Lewis Hamilton chuan British GP-a hnehna a chan loh hnuah, July 19, Pathiannia neih tur Belgian Grand Prix-ah a aia ṭha zawkin a chet a ngai tih a a sawi a, Formula 1 inpui anga an sawi Britain-ah hnehna chang lo mah se hnual mai a tum lo.

Ferrari-te chu tun season-ah Mercedes nen an inel deuh ber a, tlan hmasak vawi rukna thleng hian Scuderia (Ferrari sawina) hian constructors' championship-ah point 255 neiin pahnihna dinhmun an luah mek a, Mercedes lakah point 78-in an hnufual. Hamilton erawh drivers' standings-ah point 147 neiin pathumnaah a awm mek thung.

Silverstone-a an tlan hnuhnun ber khan a teammate Charles Leclerc-a'n hnehna a chang a, Hamilton-a lah pathumnaah niin podium a lawn pha tho a, hei hian Ferrari hmasawnna chu a tichiang hle. Leclerc leh Hamilton inkarah Mercedes driver George Russell awmin pahnihna a ni a, champion tura inelna pawh a ti nung thar hle.

Mercedes-te hi tun season-a kawng ngila chak inelnaah chuan motor chak ber pawl an ni deuh reng a, Ferrari tan erawh motor chakna kawngah hma an sawn a ngai a, Belgian GP-ah Ferrari-in inelna an hmachhawn dawn em tih zawhna chhangin Hamilton chua, "Tun thleng hian hmasawnna ropui tak kan nei chho reng a, British GP-ah pawh podium kan lawn ve ve avangin a lawmawm hle. Mahse tunah chuan a hma aia ṭha ve vea kan tlan a ngia tawh ang.

Ka thil duh leh thawhrahte hlawhtlinna hmuh hi a nuam a, kan chet ṭhat chuan keimahniah phurna a awm ve zel. Car tihhmasawnna (upgrades) te pawh kan la neih belh zel a ngai a. Spa-ah (Belgian GP track) hi chuan kawng ngil thui tak tak a awm dawn a, mahse a tawpah chuan Silverstone-a ka chet dan ai ṭha zawka ka chet a ngai a ni," tiin a sawi.