Spain leh World Cup

Kum 2010-ah Spain-in World Cup final an lut a, champion nomawi an chawi. Mahse, kum 2014-ah mak tak maiin, group stage aṭangin an tla a, kum 2018 leh kum 2022-ah round of 16 bak an lut lo.

Football ram ropui ni siin, tun hi final an luh vawi hnihna chiah a ni a, nomawi an chawi leh lo ang, tih a sawi theih ta loh - Spain-in tun dinhmun an thlen theih nan player tin an thawh hlawk a, an elpui team dang ang lo takin player langsar fal erawh an nei lo tih theih a ni.

Spain squad-a goal khung hnem ber chu Mikel Oyarzabal niin, goal nga a khung tawh a, goal khung hnem ber ni mek Lionel Messi leh Kylian Mbappe (8 goals) te goal khung zat a phak a rinawm lo.

La Roja player zinga assist ngah ber chu Marc Cucurella leh Dani Olmo te niin, vawi hnih ve ve assist an nei a, assist ngah ber ni mek, France midfielder Michael Olise-a'n assist vawi nga a nei tawh thung.

Hetihrual hian Spain hian ball an in pass nasa tih tilangtu chu ball pass hnem top three hi Spain player vek niin, Rodri (694), Aymeric Laporte (568) leh Pau Cubarsi (566) te an ni.

Tun World Cup-a Spain khaipa tia sawi theih Rodri hian 93% a pass dik a, Laporte hian 94% pass dikin, Cubarsi phei chuan 97% a pass dik thei!