A tihdamna kan hre lo - Deschamps

France coach Didier Deschamps chuan, "Kan buaina kha a chinfel dan tur kan hre lo a ni," tiin Spain nena an inkhelh zawhah a sawi thlawt a, La Roja an ngam lo tih chu 100% in a pawm.

Deschamps chuan, "Spain khan tlarhnung an veng ṭha em em a, hmun awl min pe meuh lo a ni ber. Chumi karah keini lamin tihsual kan lo nei ve leh bawk ṭhin si a, an tana buaina thlen kha a harsa tawh a ni," a ti.

France coach chuan game dang an phak loh thu sawi zuiin, "Kan match hmasaa kan khelh dante kha kan phak lo a ni. Game an thlir thiam a, ball kan inpekin min dang chat zel bawk si. A tihngaihna kan hre ta lo a ni," a ti thlawt!

Deschamps chuan, "Kan khelh dan leh thiam dan kha amahin a bo ta a ni lo. Tlarhmaah kan ṭha a, harsatna chinfel dan kan hre ṭhin. Mahse, kan khingpuite khan an khel ṭha em a ni.

"Kan thlen chin a ropui a, kan hnathawh tawh ṭha takte kha sawi nep ka tum lo. Mahse, Spain ang team ṭha kan hmachhawn a nih chuan, kan ṭhat dan bera kan khelhchhuah a ngai a ni," a ti a, anmahni level anga an khelh loh thu a sawi.