Zaragoza-ah Herrera a kir

Manchester United midfielder hlui Ander Herrera chu a bul ṭanna Real Zaragoza-ah free transfer-in a kir. Kum 36 mi Herrera hian kum 2011 khan Zaragoza aṭangin Athletic Bilbao a pan a, kum 15 hnuah a bul ṭannaah hian a let.

Spanish midfielder Herrera hian Athletic Bilbao aṭangin Manchester United a zawm a, English club hi Europa League, FA Cup leh League Cup-ah te a champion pui. United aṭangin PSG a pan a, French club hian nomawi ṭhahnem tak a chawi leh bawk.

Herrera hi PSG aṭangin a larchhuahna Bilbao-ah a kir. Season liam ta khan Argentine club Boca Juniors tan a khel a, contract a zawh hnuin season khat atan Zaragoza-ah contract a ziak. Real Zaragoza hi Spain third division-ah an khel mek a ni.