PSG-ah Digne a kir dawn

French champion Paris Saint-Germain chuan Aston Villa aṭangin defender, Lucas Digne lak luh nan a release clause £10 mtd pek an huam a, inremna pawh an nei tawh a, kum thum daih contract a ziak dawn niin journalist rintlak Fabrizio Romano-a'n a tarlang.

Kum 32 mi Digne hi Paris-a piang leh seilian a ni a, 2013 leh 2016 inkar khan PSG tan a lo khel tawh ṭhin a, hemi hnu hian Barcelona, Everton leh Aston Villa-ah te a khel zui a, World Cup khelh mekah pawh France tan player pawimawh a ni phâk.

Kum 2022 khan Digne hian Everton aṭangin Villa hi a zawm a, nikum lawk khan contract thar ziakin an inremnaah release clause hi an dah tel. Chutihrualin, Digne hian Portuguese defender Nuno Mendes nen an inel dawn a, Luis Enrique hnuaia rinrawl ni tur chuan theihtawp chhuaha a ṭan a ngai dawn.