Messi leh World Cup record

Lionel Messi-a'n a vawi khat nan England a hmachhawn a, kum 39 mi forward hian goal khung lo mah se, assist vawi hnih a nei a, tun World Cup-ah assist vawi li ngawt a nei leh ta.

Messi hian World Cup khelh meka assist ngah ber Michel Olise (5) chu assist pakhat chiahin a phak lo a, top scorer a ni mek thung.

Kylian Mbappe nen goal riat ve ve an khung tawh a, mahse, assist vawi li a neih avangin goldent boot dawng thei dinhmunah a ding.

Messi hian tun World Cup-ah record a siam nual. Goal 21 khung tawhin, World Cup-a goal khung hnem ber record a chelh mek a, goal 20 khungtu Mbappe a awm ve avangin a him lo thung.

Inter Miami forward hian World Cup match 10 chhung a zawna goal khungin, World Cup-ah match zawna goal khung rei ber a ni a, World Cup-a assist ngah ber a ni bawk.

Messi hian England laka assist vawi hnih a neih chiah khan World Cup-a assist 12 a neihna chiah a ni a, World Cup-a assist ngah ber record a chelh sa chu a pawt sei zel.